شادی کے موقع پر ہر ایک کے چہرے پر خوشی ہوتی ہے مگر اس دوران اگر کوئی افسوسناک واقعہ پیش آ جائے تو یہ ماتم میں تبدیل ہو جاتی ہے۔
بھارت کی ریاست تلنگانہ کے شہر حیدر آباد میں ایسا ہی ہوا جب شادی کی تقریب کے دوران دولہے کے برادر نسبتی کو اچانک دل کا دورہ پڑ گیا۔
گھر میں دولہے کو ہلدی لگانے کی تقریب جاری تھی۔ جب اس کا برادر نسبتی ہلدی لگانے آیا تو اسے دل کا دورہ پڑا۔ نوجوان کو فوری طور پر اسپتال منتقل کیا گیا لیکن وہ نہ بچ سکا۔
- Advertisement -
موت کی خبر جب دولہا، دلہن اور ان کے گھر والوں کو ملی تو گھر میں صف ماتم بچھ گیا۔ شادی کی تقریب کو منسوخ کر کے نوجوان کی آخری رسومات کی تیاری شروع کی گئی۔
