لندن: حکومت کے بدلتے ہی عدالت سے مفرور مسلم لیگ ن کے رہنما اسحاق ڈار کو ڈاکٹرز نے سفر کی اجازت دے دی۔
اے آر وائی نیوز کے مطابق مسلم لیگ ن کے رہنما اسحاق ڈار کا کہنا ہے کہ نواز شریف کے حکم پر پاکستان جارہا ہوں ڈاکٹرز نے سفر کی اجازت دے دی ہے۔
اسحاق ڈار کا کہنا ہے کہ وزیراعظم شہبازشریف کی رضامندی ہے کسی اور کی اجازت کی ضرورت نہیں ہے، عدالت سے حفاظتی ضمانت کے لیے میرے وکلا رابطہ کریں گے۔
انہوں نے کہا کہ پاکستان پہنچ کر سینیٹر کا حلف اٹھاؤں گا وزیر خزانہ بنانے کا فیصلہ پارٹی کرے گی۔
مزید پڑھیں: عدالتی مفروراسحاق ڈار کو نیا پاکستانی پاسپورٹ مل گیا
واضح رہے کہ سینیٹرمنتخب ہونے کے بعد اسحاق ڈار 4 سال تک بیرون ملک رہے حلف نہیں اٹھایا وہ 2017 میں اس وقت کے وزیراعظم شاہد خاقان کے طیارے میں فرارہوئے تھے۔
یاد رہے کہ کیسز میں پیش نہ ہونے پرعدالت نے اسحاق ڈارکو مفرور قراردیا تھا، ذرائع کا بتانا ہے کہ سابق وزیر خزانہ جولائی کے تیسرے ہفتے میں پاکستان آئیں گے۔
