فیصل آباد: پنجاب کے شہر فیصل آباد میں بیوی سے جھگڑے کے بعد شوہر نے اپنی زبان کاٹ لی۔
اے آر وائی نیوز کے مطابق فیصل آباد کے علاقے بابر کالونی میں 40 سالہ زمان خان نامی شخص کی بیوی جھگڑے کے بعد روٹھ کر میکے چلی گئی جب وہ منانے گیا تو بیوی نے آنے سے انکار کردیا۔
خاتون نے شرط عائد کی کہ اگر وہ اپنی زبان بند رکھے گا، زیادہ نہیں بولے گا ڈانٹ ڈپٹ نہیں کرے گا تو ہی وہ گھر آئے گی جس کے بعد شوہر نے قینچی سے اپنی زبان کاٹ لی۔
- Advertisement -
متاثرہ شخص کو فوری طور پر طبی امداد کے لیے اسپتال منتقل کیا گیا جہاں پولیس نے اسے حراست میں لیا۔
زمان خان نے پولیس کو دیے گئے بیان میں بتایا کہ اس نے اپنی مرضی سے زبان کاٹی ہے جبکہ پولیس کا کہنا ہے کہ واقعے سے متعلق مزید تحقیقات جاری ہیں۔
