The news is by your side.

Advertisement

لاڑکانہ میں کمسن بچے پر 7 کتوں کا حملہ، منہ کھا گئے

لاڑکانہ: بھٹو کے شہر لاڑکانہ میں کتوں کے کاٹے کا کا لرزہ خیز واقعہ سامنے آگیا ہے جس کے مطابق 6 سے 7 کتوں نے کمسن بچے پر حملہ کیا اور اس کا منہ کھا گئے۔

تفصیلات کے مطابق سندھ میں آوارہ کتوں کی روک تھام نہ کیے جانے کے سبب کتے کے کاٹے کا ایک اور واقعہ سامنے آیا ہے اور لاڑکانہ میں کمسن بچے پر 6 سے 7 کتوں کا نے حملہ کیا اور بچے کا منہ کھا گئے۔

بھٹو کے شہر کے سب سے بڑے اسپتال کے ڈاکٹر بچے کی جان بچانے سے قاصر ہیں اور چانڈکا میڈیکل اسپتال کے ڈاکٹروں کے کہنے پر متاثرہ بچہ کراچی کے لیے روانہ ہوگیا۔

نمائندہ اے آر وائی نیوز کے مطابق اوٹھا چوک پر 6 سے 7 کتوں نے حملہ کیا، بچے کی حالت تشویش ناک بتائی جارہی ہے۔

مزید پڑھیں: سندھ میں کتے کے کاٹے سے نوجوان لڑکی کی دردناک موت

واضح رہے کہ لاڑکانہ میں کتے مار مہم شروع کی گئی تو آصفہ بھٹو ناراض ہوگئی تھیں، لاڑکانہ میں آصفہ کی وجہ سے کتا مار مہم روک دی گئی تھی جس کی وجہ سے آج ایک اور لرزہ خیز واقعہ سامنے آیا ہے۔

یاد رہے کہ آج سندھ کے ضلع تھرپارکر کے سرکاری اسپتال میں کتے کے کاٹے سے ایک نوجوان لڑکی نے تڑپ تڑپ کر جان دے دی تھی۔

تھرپارکر کے سرکاری اسپتال میں کتے کے کاٹے کی ویکسین نہ ملنے پر 15 سالہ لڑکی صائمہ جاں بحق ہو گئی تھی۔

خیال رہے کہ صوبہ سندھ میں کتے کے کاٹے سے مرنے والوں کی تعداد 23 ہو گئی ہے۔ تین دن قبل جناح اسپتال کراچی میں ضلع جامشورو کے علاقے نوری آباد میں واقع گاؤں جیوا خان گوٹھ کا ایک رہایشی نوجوان بھی تڑپ تڑپ کر جاں بحق ہو گیا تھا۔

Comments

comments

یہ بھی پڑھیں