خیبر پختونخوامیں دو کارروائیوں کے دوران فتنہ الخوارج کے 7دہشت گردوں کو جہنم واصل کیا گیا، دہشتگردوں نے ضلع شوال میں چیک پوسٹ پرحملہ کیا۔
آئی ایس پی آر نے جاری بیان میں بتایا کہ بھارتی اسپانسرشدہ خوارج نے شمالی وزیرستان کے ضلع شوال میں چیک پوسٹ پر حملہ کیا، پاک فوج نے دہشت گردوں کا حملہ ناکام بناتے ہوئے 6 خوارج کو جہنم واصل کیا۔
فائرنگ کے تبادلے میں پاک فوج کے 4 جوانوں نے جام شہادت نوش کیا، شہدا میں لیفٹیننٹ دانیال اسماعیل، نائب صوبیدار کاشف رضا شامل ہیں۔
آئی ایس پی آر نے جاری بیان میں بتایا کہ جام شہادت نوش کرنے والوں میں لانس نائیک فیاقت علی اور سپاہی محمد حمید بھی شامل ہیں۔
چترال میں فورسز نے کامیابی سے ایک بھارتی اسپانسرڈ خوارج کو جہنم واصل کیا، علاقے میں پائے جانے والے بھارتی اسپانسرڈ خوارج کے خاتمے کیلئے کارروائی جاری ہے۔
آئی ایس پی آر نے بتایا کہ فورسز ملک سے بھارتی اسپانسرڈ دہشت گردی کی لعنت کو ختم کرنے کیلئے پُرعزم ہیں، بہادر جوانوں کی قربانیاں ہمارےعزم کو مزید مضبوط کرتی ہیں۔
بلوچستان میں سیکیورٹی فورسز کی مختلف کارروائیاں، فتنہ الہندوستان کے 5 دہشت گرد ہلاک
