مقبوضہ جموں و کشمیر لداخ میں بھارتی فوجی گاڑی دریا میں جاگری جس کے نتیجے میں 7 فوجی ہلاک ہوگئے۔
بھارتی میڈیا رپورٹس کے مطابق حادثہ لداخ کے ترٹک سیکٹر میں پیش آیا، بھارتی فوج کی گاڑی ڈرائیور سے بے قابو ہوکر دریائے شیوک میں جاگری جس کے نتیجے میں 7 فوجی ہلاک اور 19 زخمی ہوگئے۔
بھارتی فوج کا کہنا ہے کہ گاڑی میں 26 فوجی سوار تھے جو پرتاپور کے ٹرانزٹ کیمپ سے سب سیکٹر حنیف جارہی تھے۔
بھارتی فوج کے مطابق حادثے میں زخمی ہونے والے 26 فوجیوں کو فیلڈ اسپتال منتقل کیا گیا جہاں سات فوجی زخموں کی تاب نہ لاتے ہوئے چل بسے۔
بھارتی میڈیا کے مطابق جائے وقوعہ پر امدادی کارروائیوں کا آغاز کردیا گیا ہے جبکہ بھارتی فوج کا کہنا ہے کہ زخمی فوجیوں کو طبی امداد کی فراہمی جاری ہے۔
بھارتی وزیراعظم نریندر مودی نے حادثے پر افسوس کا اظہار کرتے ہوئے کہا کہ ’میری ہمدردیاں سوگوار خاندانوں کے ساتھ ہیں، متاثرہ زخمی افراد کو ہر ممکن مدد فراہم کی جارہی ہے۔
Anguished by the bus accident in Ladakh in which we have lost our brave army personnel. My thoughts are with the bereaved families. I hope those injured recover at the earliest. All possible assistance is being given to the affected.
— Narendra Modi (@narendramodi) May 27, 2022