جنوبی پنجاب کے ضلع سرگودھا میں پیش آئے دلخراش واقعے نے دل دہلا دئیے ہیں۔
تفصیلات کے مطابق تحصیل بھلوال کے نواحی قصبے حضور پور میں گدھے کے کاٹنے سے سات سالہ بچہ جاں بحق ہوگیا ہے۔
ریسکیو ذرائع نے بتایا کہ محمد کاشان پہلی جماعت کا طالب علم تھا بچہ اسکول واپسی سے گھر جارہا تھا کہ راستے میں اسے گدھے نے کاٹ لیا جس کے نتیجے میں بچہ شدید زخمی ہوا۔
دلخراش واقعے کے بعد اہل علاقہ نے زخمی بچے کو بھیرہ اسپتال منتقل کیا، جہاں وہ دوران علاج دم توڑ گیا۔
کمسن طالب علم کی اندوہناک موت پر گھر میں صف ماتم بچھ گئی اور اہل خانہ دھاڑیں مارمار کرروتے رہے۔
واضح رہے کہ پاکستان میں کتوں کے کاٹنے سے کئی بچے زندگی کی بازی ہار چکے ہیں تاہم یہ اپنی نوعیت کا انوکھا واقعہ ہے۔
