دبئی: متحدہ عرب امارات کے نائب صدر، وزیر اعظم اور دبئی کے حاکم شیخ محمد بن راشد المکتوم کا کہنا ہے کہ ان کی ورکنگ ٹیم میں 70 فیصد خواتین شامل ہیں۔
متحدہ عرب امارات کے نائب صدر، وزیر اعظم اور دبئی کے حاکم شیخ محمد بن راشد المکتوم نے سماجی رابطے کی ویب سائٹ ٹویٹر پر اپنے ٹویٹ میں کہا کہ ان کی ٹیم میں دو تہائی اکثریت خواتین کی ہے۔ انہوں نے ٹویٹ میں خواتین کا شکریہ بھی ادا کیا۔
انہوں نے اپنے پیغام میں کہا کہ ’میری ورکنگ ٹیم 70 فیصد خواتین پر مشتمل ہے اور آج جس جگہ متحدہ عرب امارات موجود ہے یہ خواتین کی ہی بدولت ہے۔ خواتین ہماری ترقی و تبدیلی کی اہم شراکت دار اور ہماری مستقبل کی نسلوں کی ضامن ہیں‘۔
شیخ المکتوم نے مزید کہا کہ اس موقع پر خواتین کی جانب سے ملک کے لیے کی جانے والی کوششوں پر ان کا شکر گزار ہوں۔ متحدہ عرب امارات کی عظمت و طاقت آپ سے ہے۔
اس بات کا اعتراف انہوں نے گزشتہ روزخواتین کے عالمی دن کے موقع پر سماجی رابطے کی ویب سائٹ پر کیے جانے والے ٹویٹ میں کیا ہے۔
خیال رہے کہ خواتین نے دنیا کے ہر میدان میں مردوں کے شانہ بشانہ جدوجہد کر کے ثابت کیا ہے کہ ان کی شمولیت کے بغیر کوئی بھی معاشرہ ترقی کی راہ پر گامزن نہیں ہوسکتا۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
0
20
