لاہور کا کینال روڈ پولیس کی شیلنگ کے باعث میدان جنگ بن گیا۔
اے آر وائی نیوز کے مطابق لاہور کے کینال روڈ پر پی ٹی آئی کارکنان اور پولیس آمنے سامنے آگئی، پولیس کی جانب سے واٹر کینن کا استعمال اور آنسو گیس کی شیلنگ کی گئی ہے۔
پولیس کی جانب سے آنسو گیس کی شلنگ کنٹینرز سے کارکنوں کو ہٹانے کے لیے کی گئی جبکہ متعدد گاڑیوں کے شیشے بھی توڑ دیے گئے ہیں۔
ذرائع کا بتانا ہے کہ پولیس نے متعدد کارکنان کو گرفتار کرلیا ہے۔
پی ٹی آئی کی پرامن ریلی سے امپورٹڈ حکمران ڈر گئے، یاسمین راشد
تحریک انصاف کی رہنما یاسمین راشد نے کہا کہ پی ٹی آئی کی پرامن ریلی سے امپورٹڈ حکمران ڈر گئے ہیں خواتین پر پتھراؤ کیا گیا پرامن مظاہرین پر شیلنگ کی گئی۔
انہوں نے کہا کہ پرامن کارکنازن کو تشدد کا نشانہ بنا کر گرفتار کیا گیا پولیس کی وردی میں گلو بٹوں نے گاڑیوں کے شیشے توڑے ہیں۔
یاسمین راشد نے کہا کہ نگراں حکومت کی ایما پر پرامن ریلی کے لیے رکاوٹیں کھڑی کی گئیں، نام نہاد حکمرانوں کا اصل چہرہ پنجاب کے عوام نے دیکھ لیا ہے، انہیں ایک ایک ظلم کا حساب دینا پڑے گا۔
