پیر, فروری 17, 2025
اشتہار

سیالکوٹ میں ڈیڑھ کروڑ کی ڈکیتی کی ویڈیو سامنے آگئی

اشتہار

حیرت انگیز

سیالکوٹ میں جیولر کی دکان میں ڈیڑھ کروڑ کی ڈکیتی کی سی سی ٹی وی فوٹیج سامنے آگئی۔

اے آر وائی نیوز کے مطابق سیالکوٹ کے تھانہ نیکاپورہ کی حدود بڈھی بازار میں جیولر کی دکان پر ڈکیتی کی واردات ہوئی، مسلح ڈاکو اسلحہ کے زور پر 75 تولے طلائی زیورات لوٹ کر فرار ہوگئے۔

ڈاکوؤں نے دکان مالک کو یرغمال بناکر چار لاکھ 10 ہزار روپے بھی لوٹ لیے جبکہ طلائی زیورات کی مالیت ایک کروڑ 50 لاکھ روپے بنتی ہے۔

فوٹیج میں مسلح ڈاکوؤں کو لوٹ مار کرتے اور تجوری ساتھ لے جاتے دیکھا جاسکتا ہے۔

نمائندہ اے آر وائی نیوز کے عامر جاوید بٹ کے مطابق ڈکیتی کی واردات کے بعد تاجر برادری میں خوف و ہراس پایا جاتا ہے، تاحال واقعے کا مقدمہ درج نہیں کیا جاسکا ہے۔

پولیس کا کہنا ہے کہ ڈکیتی کی واردات پر تفتیش کررہے ہیں سی سی ٹی وی فوٹیج کی مدد سے جلد ملزمان کو تلاش کرلیا جائے گا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں