کراچی: اسلامی جمہوریہ پاکستان کے 71 ویں جشنِ آزادی کے موقع پر وطن سے محبت کا والہانہ اظہار کرتے ہوئے اہلِ وطن نے دل چسپ انداز میں جشن منایا۔
تفصیلات کے مطابق خطۂ ارض کو امن و آشتی کا گہوارہ بنانے کا یقین رکھتے ہوئے اہلِ وطن نے ملک کے اندر اور باہر اپنی گہری اور والہانہ محبت کا اظہار مختلف طریقوں سے کیا۔
جدہ میں مقیم پاکستانیوں نے سمندر کی گہرائیوں میں پاکستان کی آزادی کا جشن منایا، پاکستانی شہریوں نے ایک سو پچاس فٹ گہرائی میں پاکستانی پرچم لہرا کر نیا ریکارڈ قائم کر دیا۔
[bs-quote quote=”اہل وطن کو اےآر وائی نیوز کی جانب سے یوم آزادی مبارک” style=”style-7″ align=”center” color=”#dd3333″][/bs-quote]
سمندر پار پاکستانیوں نے نامزد وزیرِ اعظم عمران خان کو بھی خراج تحسین پیش کیا، پاکستانیوں نے گہرے سمندر میں شکرانے کے نوافل بھی پڑھے اور خصوصی دعائیں کی۔
آج عظیم قوم کا عظیم دن ہے، ملک سے تجدید وفا کا دن ہے، ملک بھر میں آزادی کے جشن کا سماں ہے، رنگوں اور روشنیوں کا سیلاب امنڈ آیا ہے، مرد، عورت، بچہ، بوڑھا اور جوان سبھی جشن منانے گھر سے نکل آئے ہیں۔
ملک بھر میں یوم آزادی کا جشن: بارہ بجتے ہی آتش بازی کے خوبصورت مناظر
خیال رہے کہ بزرگوں کی بے شمار قربانیوں کی بہ دولت برطانوی راج سے حاصل کیے گئے پاکستان کو آزاد ہوئے آج اکہتر برس بیت گئے، عیدِ آزادی پر ہر پاکستانی کا چہرہ خوشی سے نہال ہے۔
[bs-quote quote=”نشاں یہی ہے زمانے میں زندہ قوموں کا
کہ صبح و شام بدلتی ہیں ان کی تقدیریں” style=”style-7″ align=”center” color=”#dd3333″][/bs-quote]
اہلِ وطن نے جگہ جگہ دل چسپ انداز میں اپنے جذبات کا اظہار کیا، جامعہ کراچی میں بھی طویل قومی پرچم لہرایا گیا، بلندعمارتیں، گلی کوچے، سڑکیں، چوراہے رنگوں سے سج گئے ہیں۔
گوگل ڈوڈل بھی پاکستانی رنگ میں رنگ گیا
ملتانیوں نے بھی جشن منانے کا الگ انداز اپنایا، آزادی کی خوشی میں ملتان کے باسیوں نے 1000 پونڈ وزنی جشن آزادی کیک کاٹا، اور وطن کی خدمت کا عزم کیا۔
