اسلام آباد: نگراں وزیراعظم انوار الحق کاکڑ نے کاروباری افراد کو بڑی خوشخبری سنادی۔
اے آر وائی نیوز کے مطابق نگراں وزیراعظم انوار الحق کاکڑ نے ایس آئی ایف سی کی ایپکس کمیٹی کے پانچویں اجلاس کے بعد میڈیا سے گفتگو کی اور بتایا کہ نئی ویزہ رجیم کے حوالے سے فیصلے کیے گئے۔
انہوں نے کہا کہ کاروباری افراد کو باآسانی ویزہ فراہمی ممکن بنائی جائے گی۔
نگراں وزیراعظم نے کہا کہ کاروباری اداروں سے منسلک افراد کو بھی آسان ویزہ رجیم کی سہولت میسر ہوں گی ایسے اقدامات سے پاکستان ایک نئے دور میں داخل ہونے جارہا ہے۔
دوسری جانب نگراں وزیر خارجہ نے میڈیا سے گفتگو کرتے ہوئے کہا کہ آج اجلاس میں دوسرے ممالک کے ساتھ تعلقات پر بریفنگ دی گئی۔
انہوں نے کہا کہ پاکستان کے تعلقات خطےسمیت عالمی سطح پربہت مضبوط ہورہےہیں،چین کیساتھ پاکستان کے تعلقات بہت مضبوط ہیں، امریکاکیساتھ بھی پاکستان کےتعلقات مضبوط ہوتےجارہےہیں، سعودی عرب،مشرق وسطیٰ سمیت کئی ممالک کیساتھ تعلقات بہترہورہےہیں۔
نگراں وزیر خارجہ نے کہا کہ ہم نےخارجہ سطح پرلُک افریقہ پالیسی متعارف کرائی ہے، افریقی ممالک کیساتھ تعلقات بڑھانےاورتجارتی تعاون پرگفتگوکی گئی، یورپی یونین کیساتھ تعلقات کوبھی مزیدمضبوط بنانےپرگفتگوکی گئی۔
انہوں نے کہا کہ تمام ممالک کیساتھ تجارت میں بڑھاواآیاہے،جی سی سی ممالک کیساتھ بھی تعلقات کو بڑھا رہے ہیں،ایس آئی ایف سی کےتحت سرمایہ کاروں کیلئےسہولت متعارف کرارہےہیں۔
نگراں وزیر خارجہ نے کہا کہ ایس آئی ایف سی کےقیام کےبعدپاکستان میں سرمایہ کاری میں دلچسپی بڑھی، ون ونڈوآپریشن کےذریعےعالمی سرمایہ کارباآسانی کاروبارسیٹ اپ کرسکتےہیں، عالمی سرمایہ کاروں کولانگ ٹرم ویزےبھی دیئےجائیں گے۔
