گلگت بلتستان استور حلقہ ون ضمنی الیکشن میں پی ٹی آئی امیدوار نے میدان مار لیا۔
اے آر وائی نیوز کے مطابق استور حلقہ ون کے تمام 56 پولنگ اسٹیشنز کے غیرحتمی غیر سرکاری نتائج کے مطابق پی ٹی آئی امیدوار خورشید خان کامیاب ہوگئے ہیں۔
پی ٹی آئی امیدوار خورشید خان 6219 ووٹ لے کر کامیاب ہوئے۔
ن لیگ کے رانا فرمان علی 5225 ووٹوں کے ساتھ دوسرے نمبر پر رہے ہیں۔
خیال رہے گلگت بلتستان اسمبلی کا ایوان24جنرل نشستوں پرمشتمل ہے، اسمبلی خواتین کی6،ٹیکنوکریٹس کی3نشستوں سمیت مجموعی طورپر33 ارکان پرمشتمل ہے۔
گلگت بلتستان، استور حلقہ 1 کے تمام پولنگ اسٹیشنز کے غیر حتمی نتائج، پی ٹی آئی امیدوار کامیاب#ARYNews pic.twitter.com/SjguDqSFML
— ARY NEWS (@ARYNEWSOFFICIAL) September 9, 2023
نومبر 2020 الیکشن میں جی بی اسمبلی میں مخصوص نشستوں سمیت پی ٹی آئی کے 20 ارکان شامل تھے جبکہ پیپلزپارٹی کے 4 ،ن لیگ کے 3، ایم ڈبلیو ایم کے 3 اور 1 جے یوآئی ف،1 آزاد رکن شامل تھا۔
4 جولائی 2023 کو وزیراعلیٰ خالد خورشید جعلی ڈگری کیس میں نااہلی قرار پائے ، جس کے بعد نشست خالی ہوئی تھی، 18 اگست 2023 کو وزیراطلاعات فتح اللہ خان کی کامیابی کا نوٹیفکیشن کالعدم دیا گیا، اس کےبعدگلگت بلتستان اسمبلی میں پی ٹی آئی کےارکان کی تعداد 18 رہ گئی۔
