لاہور: صوبہ پنجاب کے دارالحکومت لاہور میں رواں سال 2021 میں کم سن بچوں اور 18 بچیوں کو زیادتی کا نشانہ بنایا گیا، جب کہ مجموعی طور پر زیادتی کے 747 واقعات رونما ہوئے۔

پولیس ریکارڈ کے مطابق اجتماعی زیادتی کے بھی 36 واقعات رپورٹ ہوئے، اور انفرادی زیادتی کے 581 واقعات رپورٹ ہوئے۔

پولیس ریکارڈ کے مطابق ڈی این اے کے 575 نمونے فرانزک کے لیے بھجوائے گئے، جن میں صرف 30 کا نتیجہ مل سکا، جب کہ 545 نمونے فرانزک سائنس ایجنسی میں تاحال التوا کا شکار ہیں۔

زیادتی کے 796 ملزمان میں سے 567 کو گرفتار کیا گیا، اس سلسلے میں 172 مقدمات زیر تفتیش ہیں، جب کہ 103 کیسز کے چالان مکمل کر کے عدالتوں میں بھجوا دیے گئے ہیں، کیسز کی تفتیش کی شرح 29 فی صد رہی۔

سائن آف پولیس حکام کا کہنا ہے کہ زیادتی کے 217 مقدمات فریقین کی رضامندی سے خارج ہو گئے، جب کہ دیگر کی تفتیش جلد مکمل کر لی جائے گی۔