پاکستان شہریوں کی بڑی تعداد پرائز بانڈز میں سرمایہ کاری کرتی ہے کیونکہ اسے محفوظ تصور کیا جاتا ہے، پرائز بانڈ پر کوئی ماہانہ منافع تو فراہم نہیں کیا جاتا لیکن لوگوں کو قرعہ اندازی کے ذریعے انعامی رقم دی جاتی ہے جو باقاعدہ سے منعقد ہوتے ہیں۔
پرائز بانڈ کم رسک والے سرمایہ کاری کا موقع فراہم کرتے ہیں اور ان بانڈز کو آسانی سے نقدی کے بدلے بدلا جا سکتا ہے، جس سے یہ ایک لچکدار اور قابل رسائی بچت کا طریقہ بنتا ہے۔
سینٹرل ڈائریکٹوریٹ آف نیشنل سیونگز نے 60 کی دہائی سے پرائز بانڈ اسکیم متعارف کروائی اور مرکزی بینک اس کے منیجر کے طور پر فرائض انجام دیتے ہیں۔
نیشنل سیونگز قرعہ اندازی منعقد کرتا ہے اور جیتنے والے خوش نصیبوں کے نمبرز کا اعلان کیا جاتا ہے۔
پاکستان میں سال 2025 کے لیے 750 روپے کے انعامی بانڈز کی قرعہ اندازی کی تاریخوں کا اعلان کردیا گیا ، قرعہ اندازی چار تاریخوں کو ہوگی، ہہلی قرعہ اندازی جنوری میں، دوسری اپریل میں، تیسری جولائی میں اور آخری اکتوبر میں ہوگی۔
نیشنل سیونگ ڈویژن نے 2025 کے پرائز بانڈ کا شیڈول جاری کیا، جس میں آئندہ قرعہ اندازی کی تاریخوں کی تصدیق ہو گئی۔
750 روپے والے پرائز بانڈ کی پہلی قرعہ اندازی 15 جنوری 2025 کو ہو گی جبکہ 200 پرائز بانڈ 15 دسمبر 2025 کو شیڈول کیا گیا ہے۔
پرائز بانڈ کا شیڈول 2025
اس بانڈ کے پہلے انعام کی رقم 1.5 ملین روپے ہے جبکہ دوسرے انعام کے تین امیدواروں کو پچاس لاکھ روپے دیے جاتے ہیں جبکہ 1696 تیسرے انعامات ہیں جن کے فاتحین کو 9300 روپے کا نقدم انعام دیا جاتا ہے۔
