وہ خواتین و حضرات جو 750 روپے کے حامل پرائز بانڈ کے مالک ہیں، ان کے پاس موجود پرائز بانڈ کے نتائج کا اعلان کردیا گیا ہے۔
نئے سال 2025 کے آغاز میں پہلے پرائز بانڈ کی قرعہ اندازی کی گئی، نیشنل سیونگز سینٹر کراچی میں آج 15 جنوری کو 750 روپے والے پرائز بانڈ کی قرعہ اندازی ہوئی، صبح 10 بجے بونڈز کی بیلٹنگ کی گئی تھی۔
نیشنل سیونگز کی جانب سے قرعہ اندازی کے تھوڑی دیر بعد ہی فاتح بونڈ ہولڈرز کے ناموں کا اعلان کیا گیا، پہلا انعام بونڈ نمبر 271541 ہر نکلا جس کے مالک کو15 لاکھ روپے کی انعامی رقم ملے گی۔
اس کے علاوہ دوسرا انعام ان بانڈ نمبرز 317904 ,496553 ,800663 کے حصے میں آیا جن کے مالکوں کو فی کس 5 لاکھ روپے کی انعامی رقم ملے گی۔
تیسرا انعام 1696 لوگوں کے حصے میں آیا جنھیں فی کس 9300 روپے کی انعامی رقم دی جائے گی، 750 روپے کا بانڈ رکھنے والے خواتین و حضرات اپنا بانڈ نمبر نیشنل سیونگز کی ویب سائٹ پر چیک کرسکتے ہیں۔
خیال رہے کہ پاکستان میں پرائز بانڈ کو ایک محفوظ سرمایہ کاری خیال کیا جاتا ہے، ان بانڈز کو کسی بھی وقت کیش کروایا جاسکتا ہے اور اگر قسمت کسی پر مہربانی ہو تو پھر بونڈ کا حامل شخص بڑے انعام کا بھی مالک بن جاتا ہے۔
