واشنگٹن : امریکا میں عمر قید کے عمر رسیدہ سیریل کلر نے چار دہائیوں کے دوران 90 خواتین کو بے دردی سے قتل کرنے کا اعتراف کرلیا۔
تفصیلات کے مطابق امریکی ریاست ٹیکساس کی جیل میں قید عمر رسیدہ مجرم سیمول لیٹل نے پولیس تفتیش کے دوران اعتراف کیا کہ وہ سنہ 1970 سے 2005 تک 90 خواتین کو قتل کرچکا ہے۔
غیر ملکی میڈیا کا کہنا ہے کہ ٹیکساس کی جیل میں سزا عمر قید کی سزا کاٹنے والے 78 سالہ سیمول لیٹل پر تین قتل ثابت ہوچکے ہیں جبکہ باقی مقدموں کی تحقیقات جاری ہیں۔
برطانوی میڈیا کا کہنا ہے کہ 78 سالہ مجرم امریکا میں بدترین سیریل کلر کے طور سامنے آیا ہے جس نے تمام سیکیورٹی اداروں جس کے کیسز نے تمام اداروں کو حیران کر دیا۔
ٹیکساس پولیس کے ترجمان کا کہنا ہے کہ مجرم کے حیران کن انکشافات کے بعد پولیس ایف بی آئی نے اہلکاروں کو ملک کی 16 ریاستوں کے 36 شہروں میں روانہ کردیا ہے تاکہ کیسز میں مزید پیش رف کی جاسکے۔
امریکی خبر رساں ادارے کا کہنا ہے کہ سیمول لیٹل پر سنہ 2014 میں تین خواتین کے قتل کا جرم ثابت ہوا تھا۔
امریکی پولیس نے 78 سالہ مجرم کو سنہ 2012 میں ریاست کیلیفورنیا میں منشیات فروشی کے الزام میں گرفتار کرکے لاس اینجلس روانہ کیا گیا تھا جہاں پولیس نے مجرم کا طبی معائنہ کیا تو انکشاف ہوا کہ مجرم کا ڈی این اے 1987 سے 1989 تک قتل ہونے والی خواتین سے ملتا ہے۔
مجرم نے دوران تفتیش اعتراف کیا تھا کہ اس نے نشے کی عادی اور بد فعلی کرنے والی خواتین کو قتل کیا۔
امریکی خبر رساں ادارے کا کہنا ہے کہ مجرم نے امریکی ریاست مسیسپی، ایریزونا، لاس ویگاس، اویائیو سمیت کئی ریاستوں میں خواتین کو قتل کیا ہے.
پولیس ترجمان کا کہنا ہے کہ پولیس نے باقی خواتین کے قتل کی تصدیق کے لیے دیگر سیکیورٹی اداروں سے رابطے شروع کردئیے ہیں۔
