کراچی : وزیرِاعظم کے اعلان کے بعد سندھ بھر کی عدالتوں میں 458قیدیوں کو سزائے موت دی جائے گی، قیدیوں میں ایسے مجرمان بھی شامل ہیں، جن کے بلیک وارنٹ جاری ہوچکے ہیں۔
ان میں سیاسی و کالعدم تنظیم کے کارکن بھی شامل ہیں، 47قیدی ایسے ہیں جن کی اپلیں اعلیٰ عدلیہ کے پاس زیرِ سماعت ہے جبکہ 23افراد کی صدرِ مملکت کے پاس رحم کی اپیل موجود ہے، جو ملزمان جن کے بلیک وارنٹ شامل ہیں۔
سینٹرل جیل ذرائع کے مطابق انتظامیہ قیدیوں کو سزائے موت پرعمل درآمد کیلئے48گھنٹے کے اندر اپنے انتظامات کرسکتی ہے۔
پنجاب بھر کی جیلوں میں پانچ سو تینتیس قیدی سزائے موت کے منتظر ہیں، جن میں چھہتر دہشت گرد بھی شامل ہیں۔
ذرائع کے مطابق کوئٹہ سمیت بلوچستان کے مختلف جیلوں میں موت کی سزا پانے والے قیدیوں کی کل تعداد چودہ ہے جن میں سے چار دہشتگردی جبکہ دیگر دس مجرمان سنگین جرائم کے مقدمات میں سزائے موت کے حق دار قرار دئیے گئے ہیں۔.
