تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

8 آنکھوں والی عجیب الخلقت مکڑی دیکھنے والے حیران، تصاویر وائرل

سڈنی : آسٹریلیا میں آٹھ آنکھوں والی زہریلی مکڑی نے ماہر حشرات الارض کو بھی حیران کردیا، نیلے رنگ والی مکڑی کو جمپنگ اسپائیڈر (چھلانگ لگانے والی مکڑی) کی نئی قسم قرار دیا گیا ہے۔

غیر ملکی خبر رساں ادارے کے مطابق آسٹریلیا کے شہر تھرول میں جانداروں میں دلچسپی رکھنے والی خاتون نے گھر کے پچھلے حصے میں ایک مکڑی دیکھی جو انہیں کچھ انوکھی لگی، خاتون نے اس کی تصاویر جب حشرات کے ماہر کو بھیجیں تو انہوں نے اسے جمپنگ اسپائیڈر کی ایک نئی قسم قرار دیا۔

رپورٹ کے مطابق مذکورہ خاتون امینڈا ڈی جارج اپنے گھر کے باغ میں رکھے ہوئے کوڑے دان کو دیکھ رہی تھیں کہ ان کی نظر اس خوبصورت اور چھوٹی سی مکڑی پر پڑی، اس کا چہرہ گہرا نیلا اور آٹھ آنکھوں پر مشتمل تھا، پہلے یہ ڈٰیڑھ سال قبل نظر آئی تھی لیکن اس بار امینڈا نے اس کی تصویریں فوری طور پر بنالیں۔

چار ملی میٹر جسامت کی اس مکڑی کی تصاویر میلبرن میں مکڑیوں کے ماہر نے دیکھی جس نے اس کی نئی قسم کی تصدیق کی ہے، انہوں ںے اس مکڑی کو بہت خاص قرار دیا کیونکہ اس کی آٹھ آنکھیں ہیں اور چہرہ بھی نیلا ہے۔

اس کے بعد امینڈا نے دو ماہ کی جدوجہد کے بعد دو مکڑیاں پکڑلیں اور اسے وکٹوریہ میوزیم کے ماہر جوزف شوبرٹ کو بھیجا۔ جوزف نے کہا کہ یہ نئی قسم ہے جس کے نام پر غور کیا جارہا ہے۔ تاہم یہ جوٹس گروپ سے تعلق رکھتی ہے جن کا دوسرا نام جمپنگ اسپائیڈر ہے۔

واضح رہے کہ صرف آسٹریلیا ہی ایسا ملک ہے جہاں مکڑیوں کی چارہزار نئی اقسام دریافت ہوئی ہیں اور خیال ہے کہ مزید دس ہزار ان دیکھی اقسام بھی موجود ہوسکتی ہیں۔

دوسری جانب جمپنگ اسپائیڈر انسانوں کے لیے بے ضرر ہوتی ہیں لیکن بہت تنگ کرنے پر یہ زہریلے ڈنک سے وار کرتی ہیں۔ اس قسم کی مکڑیاں ناچ ناچ کر نر مکڑے کو اپنی جانب متوجہ کرتی ہیں۔

Comments

- Advertisement -