The news is by your side.

Advertisement

کیا آپ اینڈرائیڈ سسٹم کے ان 8 فیچرز سے واقف ہیں؟

دنیا بھر میں اینڈرائڈ فون تیزی سے مقبول ہو رہے ہیں اور ان کے مختلف ورژنز زیرِ استعمال ہیں، تاہم اینڈرائڈ سسٹم کے 8 ایسے فیچرز ہیں‌ جن سے اکثریت ناواقف رہتی ہے۔

سیاہ بیک گراؤنڈ

اگر آپ اپنے اسکرین کے لیے سیاہ بیک گراؤنڈ منتخب کرتے ہیں تو پکسل ہائی لائٹ کا آپشن ازخود بند ہو جائے گا اور آپ کی بیٹری دیر تک چلے گی، تاہم یہ فیچر تمام اینڈرائڈ فونز میں دستیاب نہیں۔

کتاب سنیں

ٹیکسٹ ٹو اسپیچ آپشن کے ذریعے آپ اپنے اینڈرائڈ فون پر کوئی بھی مضمون یا کتاب سن سکتے ہیں، کیوں کہ یہ آپشن ٹیکسٹ کو آواز میں بدل کر سناتا ہے، اس کے لیے پہلے سیٹنگز میں جائیں، پھر ایسسیبلٹی آپشن پر جا کر ٹیکسٹ ٹو اسپیچ آپشن آن کر دیں۔

موبائل ڈیٹا مٹانا

سیٹنگز پر جائیں، وہاں سے سیکیورٹی پر جا کر ڈیوائس منیجر کے آپشن میں سے اینڈرائڈ ڈیوائس منیجر کا انتخاب کریں، اور پھر ریموٹلی لوکیٹ دِس ڈیوائس سے allow remote lock and erase کے آپشن پر کلک کریں۔ اب اگر آپ کا فون چوری یا گُم ہو جاتا ہے تو آپ ویب سائٹ کے ذریعے اس کا سارا ڈیٹا مٹا سکتے ہیں اور موبائل فون لاک کر سکتے ہیں۔

مہمان موڈ

اگر آپ اپنے دوست کو وقتی طور پر استعمال کے لیے اپنا اسمارٹ فون دینا چاہتے ہیں تو اس کے لیے مہمان (گیسٹ) موڈ کا بہترین آپشن استعمال کیا جا سکتا ہے، فون کو دو انگلیوں سے سوائپ کریں، اور یوزر آئکن کو ٹچ کریں جو اوپر سیدھی جانب موجود ہے، اب ایک گیسٹ آئکن سامنے آ جائے گا۔ یہاں آپ ان سہولیات اور آپشن پر کلک کر سکتے ہیں جنھیں دوسرا استعمال کر سکتا ہے، دوسری جانب آپ اپنے ڈیٹا کو بھی چھپا سکتے ہیں۔

میگنیفائر

اگر کسی کی نظر کم زور ہے تو اسکرین میگنیفائر کے آپشن سے آپ ٹیکسٹ اور دیگر اشیا کو اپنے اسکرین پر بڑا کر کے دیکھ سکتے ہیں، فون کے کسی بھی حصے کو میگنیفائی کیا جا سکتا ہے، اس کے لیے سیٹنگز کے آپشن پر جائیں پھر وہاں سے ایسیسبلٹی تک اور اس کے بعد میگنیفکیشن کا آپشن استعمال کریں۔

ہاٹ اسپاٹ

آپ کو مختلف ڈیوائسز چلانے کے لیے قیمتی موڈیم اور راؤٹر خریدنے کی ضرورت نہیں، آپ کا اسمارٹ فون ازخود وائی فائی ہاٹ اسپاٹ بن سکتا ہے، اس کے لیے سیٹنگز پر جائیں اور ٹیتھرنگ اینڈ پورٹیبل ہاٹ اسپاٹ پر جا کر پورٹیبل WLAN ہاٹ اسپاٹ آپشن پر چیک کریں۔

سر کی حرکت سے کنٹرول

اینڈرائڈ فون کو سر کی حرکت سے بھی کنٹرول کیا جا سکتا ہے، ایک فری ایپ فیشل eva فیشل ماؤس کے ذریعے اینڈرائڈ آلات کو بڑی آسانی سے سروں کی حرکت سے کنٹرول کیا جا سکتا ہے ۔

گیم

اینڈرائڈ 2.3 جنجر بریڈ میں ایک چھوٹا گیم چھپا ہے لیکن اسے ڈھونڈ نکالنا بہت مشکل ہوتا ہے، سیٹنگز میں جائیں اور اباؤٹ فون اور اباؤٹ ٹیبلٹ کے آپشن میں جائیں، اب اینڈرائڈ ورژن پر کئی بار ٹیپ کریں، اس کے ساتھ ہی ایک چھوٹی مارش میلو (نرم میٹھی سوغات) سامنے آ جائے گی، اس پر ٹیپ کرلیں اور ایک دل چسپ گیم آپ کے سامنے ہو گا۔

Comments

یہ بھی پڑھیں