The news is by your side.

Advertisement

ساری زندگی فائدہ پہنچانے والی 8 عادات

ہماری زندگی میں بہت سی چیزیں ہمیں بغیر کسی محنت اور کوشش کے مل جاتی ہیں اور یہی وجہ ہے کہ ہمیں ان کی قدر نہیں ہوتی۔ ہمارے اندر بہت سی ایسی صلاحیتیں ہوتی ہیں جن کا اگر درست استعمال کیا جائے تو وہ ہمیں کامیاب ترین افراد کی فہرست میں کھڑا کر سکتی ہے لیکن یا تو ہمیں ان کا علم نہیں ہوتا یا پھر ہم ان سے درست طریقے سے کام نہیں لے پاتے۔

ماہرین کے مطابق اگر ہم اپنی فطرت و عادات کو وقت کے مزاج کے مطابق استعمال کریں تو ہم بہت سے فائدے اٹھا سکتے ہیں۔ یہاں کچھ ایسی ہی چیزیں بتائی جارہی ہیں جنہیں سیکھنے میں آپ کی کچھ محنت اور وقت تو ضرور لگے گا لیکن اس کے بے شمار فائدے ہوں گے جن کے ثمرات آپ ساری زندگی اٹھا سکتے ہیں۔

:نیند پر قابو رکھیں

ماہرین کے مطابق بعض افراد اپنے کئی کام اس لیے مکمل نہیں کر پاتے کیونکہ وہ اپنی نیند کے ہاتھوں مجبور ہوتے ہیں۔ اگر ہم اپنے دماغ کو کنٹرول کر کے اپنی نیند کو اپنے قابو میں کریں تو ہم اپنی مرضی سے سو اور اٹھ سکتے ہیں اور بے شمار کام انجام دے سکتے ہیں۔

صرف آدھے منٹ میں نیند لانے کی تکنیک *

:ٹائم مینجمنٹ سیکھیں

اپنے وقت کو اپنے کاموں کے حساب سے تقسیم کریں۔ کسی ایک کام کے لیے گھنٹوں صرف کردینا اور بقیہ کاموں کو وقت نہ ہونے کے سبب جلدی جلدی نمٹا دینا بہت سی مشکلات کا سبب بن سکتا ہے۔ دن بھر کے کاموں کے لیے وقت مقرر کریں اور ٹائم مینجمنٹ سیکھیں۔

اس کا سب سے آسان حل یہ ہے کہ دن بھر میں کیے جانے والے کاموں کی فہرست بنائیں اور دن میں لازمی انہیں سر انجام دیں۔ اگلے دن پر مت ٹالیں۔

وقت بچانے کے انوکھے اصول *

:مدد طلب کریں

ہر شخص ہر فن مولا نہیں ہوسکتا۔ کچھ کام کرنے میں آپ کو مشکل کا سامنا ہوگا اور آپ انہیں سر انجام نہیں دے سکیں گے۔ اس کے لیے ضروری ہے کہ آپ اپنے آس پاس موجود افراد سے مدد طلب کریں۔ اس سے آپ اس کام کو جلد اور اچھے طریقے سے کر سکیں گے۔

:مستقل مزاج بنیں

دنیا میں بعض افراد ایسے ہوتے ہیں جو بے پناہ صلاحیتوں کے حامل ہوتے ہیں مگر وہ زندگی میں کچھ نہیں کر پاتے۔ اس کی وجہ یہ ہے کہ وہ مستقل مزاج نہیں ہوتے۔ وہ جلد کسی ایک چیز سے اکتا کر دوسری چیز کرنے لگتے ہیں یوں وہ کسی ایک شعبہ میں اپنا نام بنانے میں ناکام رہتے ہیں۔

ذہنی یکسوئی حاصل کرنے کے 5 طریقے *

:سنیں

ماہرین کے مطابق بولنے سے پہلے وقت کو دیکھنا چاہیئے لیکن سننے کے لیے وقت کی کوئی قید نہیں۔ اپنے آس پاس موجود افراد کی گفتگو سنیں اور ان کے تجربات سے سبق سیکھنے کی کوشش کریں۔

:اپنے کام سے کام رکھیں

دوسروں کی گفتگو سننا اچھی عادت ہے لیکن اس میں دخل دینا بد تہذیبی کی علامت ہے۔ دوسروں کی گفتگو اور کاموں میں بلاوجہ دخل دینے سے پرہیز کریں۔ یہ نہ صرف دوسروں کی نظروں میں آپ کی وقعت کو کم کرے گی بلکہ آپ کا وقت بھی ضائع کرے گی اور آپ اپنے کاموں کے لیے تاخیر کا شکار ہوسکتے ہیں۔

:بے مقصد گپ شپ سے پرہیز

کام کے دوران اپنے ساتھیوں سے بے مقصد گپ شپ، ادھر ادھر کی باتیں اور وہاں موجود نہ ہونے والے افراد کے بارے میں گفتگو سے پرہیز کریں۔ اگر آپ کے قریب کوئی ایسی گفتگو کر بھی رہا ہے تو آپ اسے ٹوک سکتے ہیں۔ اس طرح لوگ آپ کے سامنے وقت ضائع کرنے والی بحثوں سے پرہیز کریں گے۔

:موجودہ لمحہ میں جیئں

ہر وقت ماضی کی باتوں اور مستقبل کے منصوبوں میں کھوئے رہنا اچھی عادت نہیں۔ موجودہ لمحہ کو جینا سیکھیں اور اس سے لطف اندوز ہوں۔

Print Friendly, PDF & Email

Comments

comments

یہ بھی پڑھیں