تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

امریکی ریاست انڈیانا میں فائرنگ، 8 ہلاکتیں، متعدد زخمی

انڈیانا: ایک اور امریکی ریاست میں فائرنگ کا واقعہ پیش آیا ہے، اندوہناک واقعے کے نتیجے میں کم از کم آٹھ افراد ہلاک ہوگئے ہیں۔

غیر ملکی میڈیا رپورٹ کے مطابق امریکا کے شہر انڈیانا پولس میں جمعرات کو رات گئے فیڈیکس کمپنی کے ایک گودام میں فائرنگ کا واقعہ پیش آیا، فائرنگ کے نتیجے میں آٹھ افراد ہلاک ہوگئے ہیں۔

مقامی پولیس کی ترجمان نے میڈیا کو بتایا کہ پولیس کو خبر ملی کہ شہر کے بین الاقوامی ہوائی اڈے کے نزدیک فیڈیکس کمپنی کے دفتر میں ایک شخص نے اندھا دھند فائرنگ کر دی ہے، فائرنگ کے بعد مبینہ حملہ آور نے گولی مار کر خودکشی کرلی ہے۔

انڈیاناپولس میٹرو پولیٹن پولیس ڈیپارٹمنٹ کی ترجمان نے بتایا کہ واقعے کے فوری بعد پولیس جائے وقوعہ پر پہنچی تو وہاں کئی زخمی موجود تھے انہیں زخمیوں میں مبینہ حملہ آور بھی موجود تھا، جنہیں مختلف اسپتالوں میں منتقل کردیا گیا ہے۔

پولیس کے مطابق واقعے کے بعد علاقے میں پولیس کی بھاری نفری تعینات ہے اور سرچ آپریشن جاری ہے جب کہ حملہ آور کی لاش کو قبضے میں لیکر تفتیش شروع کردی گئی ہے تاہم حملہ آور کی شناخت سے متعلق ابھی تک تفصیلات جاری نہیں کی گئیں ہے۔

دوسری جانب فیڈیکس کمپنی کی جانب سے جاری بیان میں کہا گیا ہے کہ سانحہ سے مکمل طور پر باخبر ہیں، لوگوں کی حفاظت ہماری اولین ترجیح ہے تاہم جو لوگ فائرنگ سے متاثر ہوئے ہماری ہمدردیاں ان کے ساتھ ہیں، واقعہ سے متعلق تحقیقاتی حکام سے مکمل تعاون کیا جارہا ہے۔

یہ بھی پڑھیں: امریکی ریاست کیلی فورنیا میں فائرنگ، بچے سمیت 4 افراد ہلاک

اس سے قبل نو رواں ماہ نو اپریل کو بھی امریکی ریاست جنوبی کیرولینا میں فائرنگ کا اندوہناک واقعہ پیش آیا تھا جس کے نتیجے میں پانچ افراد جان کی بازی ہار گئے تھے،فائرنگ سابق فٹبال کھلاڑی فلپ ایڈمز نے کی، ملزم نے پانچ افراد کو قتل کرنے کے بعد خود کو بھی گولی مارکر خودکشی کرلی تھی۔

یاد رہے کہ مارچ میں امریکی ریاستوں میں فائرنگ کے چار واقعات رونما ہوئے تھے، اٹھائیس مارچ کو ورجینیا میں فائرنگ سے دو افراد ہلاک جبکہ آٹھ زخمی ہوئے، اس سے قبل بائیس مارچ اور سولہ مارچ کو کولوراڈو اور جیارجیا میں بھی فائرنگ کے دو واقعات رونما ہوئے تھے، جس کے نتیجے میں 18 افراد کو اپنی جانوں سے ہاتھ دھونا پڑا تھا۔

Comments

- Advertisement -