اسلام آباد : وفاقی دارلحکومت اسلام آباد میں 8 سال کی بچی کو زیادتی کے بعد قتل کردیا گیا، پولیس کو تاحال 8 سالہ فاطمہ کی پوسٹ مارٹم رپورٹ نہ مل سکی۔
تفصیلات کے مطابق وفاقی دارلحکومت میں تھانہ سنبل کےعلاقے سے 8 سالہ بچی کو اغوا کے بعد قتل کردیا گیا، پولیس نے بتایا کہ بچی کی لاش نسوارچوک کےقریب گلی سے ملی ،بچی گزشتہ روزگھرسےمدرسے جانے کیلئےنکلی گھر واپس نہیں آئی۔
پولیس کا کہنا تھا کہ بچی ایک روزقبل چنیوٹ سے اپنی نانی کےگھر سے آئی تھی، بچی کی لاش کا پمز میں پوسٹ مارٹم جاری ہے۔
پولیس نے 8سالہ بچی فاطمہ کے قتل کی تحقیقات میں 80 افراد کو شامل تفتیش کرلیا ہے، تھانہ سنبل پولیس نے 5 مشکوک افراد کو تفتیش کیلئےتھانے منتقل کیا۔
اسلام آباد پولیس کو تاحال 8 سالہ فاطمہ کی پوسٹ مارٹم رپورٹ نہ مل سکی، ابتدائی رپورٹ کے مطابق بچی کوزیادتی کے بعد قتل کیا گیا۔
اسلام آباد پولیس نے جائے وقوعہ کی جیو فینسنگ بھی شروع کر دی ، پوسٹ مارٹم رپورٹ کے بعد مشکوک افرادکےڈی این اےٹیسٹ کروائے جائیں گے۔
پولیس کا کہنا تھا کہ بچی کی والدہ ایک دو روز میں پولیس کو اپنے شکوک سے آگاہ کرے گی۔
