ریاض: وزیراعظم شہبازشریف کی سعودی ولی عہد اور وزیراعظم محمد بن سلمان سے اہم ملاقات ہوئی ہے، دونوں رہنماؤں کی جانب سے مکہ مکرمہ میں ملاقات میں کئے گئے فیصلوں پرپیشرفت پراطمینان کا اظہار اور مختلف شعبوں میں تعاون کو مزید بڑھانے پر اتفاق کیا گیا۔
اے آر وائی نیوز کے مطابق وزیراعظم محمد شہباز شریف نے سعودی وزیرخارجہ کی قیادت میں وفد پاکستان بھیجنے پر سعودی ولی عہد کا شکریہ ادا کیا۔
وزیر اعظم شہباز شریف نے پاکستان میں سعودی سرمایہ کاری سے متعلق جامع پروگرام مرتب کرنے پرسعودی ولی عہد کا شکریہ ادا کیا۔
دونوں رہنماؤں کے درمیان ہونے والے اہم ملاقات میں غزہ کی صورتحال پر بھی تبادلہ خیال کیا گیا، وزیراعظم کی جانب سے سعودی ولی عہدکو دورہ پاکستان کی دعوت بھی دی گئی۔
پاکستان کیلیے آئی ایم ایف کی 1.1 ارب ڈالر کی قسط منظور
وزیراعظم شہباز شریف کی سعودی ولی عہد سے ہونے والی ملاقات میں وفاقی وزراء محمد اورنگزیب، مصدق ملک، اویس لغاری، عطا تارڑ بھی شریک تھے۔
