site
stats
اہم ترین

تحریک انصاف کے ممبرانِ سندھ اسمبلی کے استعفے منظور

کراچی: اسپیکر سندھ اسمبلی نے پاکستان تحریک انصاف سے تعلق رکھنے والے چارممبران کے استعفے منظورکرلئے ہیں۔

تفصیلات کے مطابق آغا سراج درانی کا کہنا ہے کہ پی ٹی آئی کے ممبران کے استعفے الیکشن کمیشن کو ضابطے کی کاروائی کے لئے بھیجے جاچکے ہیں۔

تحریکِ انصاف نے استعفوں کی منظوری کا خیرمقدم کرتے ہوئے پنجاب اسمبلی سے بھی استعفوں کی منظوری مطالبہ کیا ہے۔

پی ٹی آئی کے رہنماء عارف علوی کا کہنا ہے کہ ’’ہم نے تو استعفے دئیے ہی اس لئے تھے کہ منظور کیے جائیں۔

آغا سراج درانی سے جب سوال کیا گیا کہ قومی اسمبلی میں تحریک انصاف کے استعفے منظور نہیں ہوئے تو آپ نے کیوں کیے؟۔ انہوں نے اس کے جواب میں کہا کہ میں نے فیصلہ سندھ اسمبلی کے حوالے سے کیا ہے اورقومی اسمبلی یا کسی بھی صوبائی اسمبلی میں استعفوں کی منظوری کے متعلق میں کچھ نہیں کہہ سکتا۔

پی ٹی آئی کے چار ممبران کے استعفے منظور کئے گئے ہیں جن میں سید حفیظ الدین (پی ایس 93)، ثمر علی خان (پی ایس 113)، سیما یزدانی ضیاء ( پی ایس 159) اور خرم شیر زمان (پی ایس 112) شامل ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top