The news is by your side.

Advertisement

سندھ میں 24گھنٹوں کے دوران کرونا کے885 نئے کیسز رپورٹ

کراچی : صوبہ سندھ میں گزشتہ چوبیس گھنٹوں کے دوران کرونا وائرس کے 885 تصدیق شدہ کیسز رپورٹ ہوگئے، متاثرہ افراد کی مجموعی تعداد 28 ہزار 245 ہوگئی۔

تفصیلات کے مطابق وزیراعلیٰ سندھ مراد علی شاہ نے کرونا وائرس کی صورت حال پر اپنے پیغام میں کہا کہ سندھ میں گزشتہ 24 گھنٹوں کے دوران 885 کیسز سامنے آنا تشویش ناک ہے،24 گھنٹوں کے دوران مزید 16 مریض انتقال کر گئے جس کے بعد ہلاکتوں کی تعداد 481 ہوگئی ہیں۔

مراد علی شاہ کا کہنا تھا کہ سندھ میں کرونا سے 334 مریض کی حالت تشویش ناک ہے،62 وینٹی لیٹرز پر ہیں،24 گھنٹوں کے دوران کرونا سے 553 مریض صحت یاب ہوئے۔

انہوں نے بتایا کہ سندھ میں 24گھنٹوں کے دوران 4100 ٹیسٹ کیے گئے،صوبےمیں اب تک ایک لاکھ 80 ہزار 803 کرونا ٹیسٹ کیے گئے ہیں،اس وقت سندھ میں 13 ہزار 954 مریض زیرعلاج ہیں۔

وزیراعلیٰ سندھ کا کہنا تھا کہ 12773مریض گھروں میں آئسولیٹ ہیں،108 مریض آئسولیشن سینٹرز میں زیر علاج ہیں،1073 مریض مختلف اسپتالوں میں داخل ہیں۔

مراد علی شاہ نے کہا کہ صوبے کے885 کیسز میں سے کراچی کے617 کیس ہیں، ضلع شرقی میں 184، ضلع جنوبی میں 146،ضلع وسطی میں 127، ضلع غربی میں42، کورنگی میں 72 اور ملیر میں 46 نئےکیس رپورٹ ہوئے۔

انہوں نے عوام سے احتیاط کرنے کی اپیل کرتے ہوئے کہا کہ دیہات میں بھی کیس بڑھنا بے احتیاطی کا نتیجہ ہے، ہم مل کر اس بیماری کو شکست دے سکتے ہیں۔

Comments

یہ بھی پڑھیں