اسلام آباد : وفاقی وزیر اطلاعات فواد چوہدری کا کہنا ہے کہ 89فیصد لوگوں کی کورونا پر حکومتی اقدامات کی تائید بڑی کامیابی ہے۔
تفصیلات کے مطابق وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ ٹرانسپرنسی کاسروےہویاکوئی اور سروے، طویل عرصے بعد سیاسی حکومت کے بارے میں اعتماد ظاہرہوا۔
فواد چوہدری کا کہنا تھا کہ عوام کووزیر اعظم پر اعتماد ہے وہ ذاتی مفادات کیلئےکوئی کام نہیں کرے گا ، 89 فیصد لوگ کورونا پر حکومتی اقدامات کی تائید کرتے ہیں، یہ بڑی کامیابی ہے۔
ٹرانسپیرنسی کا سروے ہو یا کوئ اور سروے طویل عرصے بعد سیاسی حکومت کے بارے میں اعتمادظاہرہوا ہےکہ وہ کرپٹ عناصر پر مشتمل نہیں،عوام کو وزیر اعظم کی ذات پر اعتماد ہے کہ وہ ذاتی مفادات کیلئےکوئ کام نہیں کرے گا 89% لوگ کرونا پر حکومتی اقدامات کی تائید کرتے ہیں یہبہت بڑی کامیابی ہے
— Ch Fawad Hussain (@fawadchaudhry) December 9, 2021
خیال رہے کہ حکومت کی مؤثر حکمت عملی کے باعث مہلک وبا پر کافی حد تک قابو پا لیا گیا اور کورونا کے کیسز میں مسلسل کمی ریکارڈ کی جارہی ہے،ْ
گزشتہ 24 گھنٹوں کے دوران کوروناوائرس کے 350 نئے کیسز رپورٹ ہوئے جبکہ10 مریضوں کی اموات ہوئیں۔
