کراچی : ایم کیو ایم کے مرکز نائن زیرو سے گرفتار ہونے والے عبید عرف کے ٹو کو شناختی پریڈ کیلئے سٹی کورٹ پولیس نے پہنچا دیا گیا۔
فیڈرل بی ایریا تھانے کی پولیس نے رینجرز کی سخت سیکیورٹی حصار میں ملزم کو عدالت پہنچایا ملزم کو جوڈیشل مجسٹریٹ سینٹرل علی سلیمان کی عدالت میں پیش کیا جائے گا۔
ملزم پر الزام ہے کہ اس نے پولیس اہلکار کامل مرتضیٰ کو یوسف پلازہ کے سامنے ٹارگٹ کلنگ کا نشانہ بنایا تھا اگر شناختی پریڈ ہوئی تو ملزم کو گواہ شناخت کریں گے۔
اس سے قبل ملزم عبید کے ٹو کو پیشی کے دوران عدالت نے آٹھ روزہ جسمانی ریمانڈ پر پولیس کے حوالے کیا تھا، جہاں عدالت کی ہدایت پر ملزم سے اہلیہ ، بہن اور بچے کی احاطہ عدالت میں ملاقات بھی کرائی گئی تھی۔
Comments
- Advertisement -
