کراچی : سندھ بھر میں اسکولوں کی گرمیوں کی چھٹیاں ختم ہوگیئں، تمام اسکول آج سے کھل جائیں گے، اسکول کے بچوں کی موجیں ختم ہوگئیں۔
سندھ بھر کے تمام نجی و سرکاری اسکول آج سے کھل رہے ہیں۔ تفصیلات کے مطابق سندھ بھر میں نجی و سرکاری اسکول گرمیوں کی چھٹیوں کے بعد آج سے کھل رہے ہیں۔
بارشوں اور سیلاب کے باعث صوبائی حکومت نے گرمیوں کی تعطیلات تین اگست سے بڑھا کر گیارہ اگست تک کردیں تو نجی اسکول تین اگست سے اسکول کھولنے پر بضد تھے، جس کی وجہ سے تنازعہ پیدا ہوگیا تھا۔
بالاخر نجی اسکولوں کو صوبائی حکومت کی بات ماننی پڑی۔ بچوں کی موجیں جہاں ہوئی ختم وہیں اسکول ٹرانسپورٹر کو بھی اب اپنی گاڑیاں پیٹرول یا ڈیزل پر کروانی پڑے گی۔
کیونکہ اسکول کی گاڑیوں میں حکومت کی جانب سے گیس کے استعمال پرپابندی لگ چکی ہے ۔ اسکول کی وین کا رنگ بھی اب نیلا ہوگا اس کے بعد بچوں کے ساتھ اسکول ٹرانسپوٹرز کی موجیں بھی ختم ہوگئیں۔
