واشنگٹن : امریکی سینٹ میں ایران نیوکلیئر معاہدے پر گرما گرم بحث کا آغاز ہوگیا، ریپبلکن لیڈر میک کونیل نے معاہدہ یا جنگ کی انتظامیہ کی منطق کو بے بنیاد قرار دیدیا ہے۔
امریکی سینٹ میں بحث کے دوران نائب ڈیموکریٹک لیڈر نے سینتالیس ریپبلکن ارکان پر الزام لگایا کہ انہوں نے معاہدے کو رد کرنے کا پہلے ہی فیصلہ کرلیا تھا، ریپبلکن سینیٹر سوسن کولنس نے کانگریس سے ڈیل کو رد کرنے کا مطالبہ کرتے ہوئے انتظامیہ سے کہا کہ بہتر معاہدے کیلئے دوبارہ مذاکرات کریں۔
ڈیموکریٹک سینٹرز نے معاہدے کوسپورٹ کرنے کا اعلان کیا، انکا اور اڑتیس دیگر ڈیموکریٹک اور آزاد سینیٹرز کا ووٹ سو ارکان کے ایوان میں ریپبلکن قرارداد کورد کرنے کیلئے کافی ہے۔
جس میں نیو کلیئرمعاہدے کو رد کرنے کا مطالبہ کیا گیا ہے۔
