لاہور: کرکٹر احمد شہزاد نے نئی اننگز کاآغازکردیا اس موقع پر ان کی بوم بوم کے ساتھ سیلفی نے دھوم مچادی۔
کرکٹ ٹیم کے اوپنر احمد شہزاد کی شادی لاہور کی ثنا مراد سے انجام پائی ہے، شادی کی تقریب مقامی ہوٹل میں منعقد ہوئی، تقریب میں شاہد آفریدی سمیت ساتھی کھلاڑی بھی شریک ہوئے۔
گولڈن شیروانی میں زیب تن سیلفی ماسٹر احمد شہزاد دلہنیا لینے گاڑی سے اترے تو سیلفی پارٹنر آفریدی نے ریسکو کیا۔ قومی ٹیم کے بیڈ بوائے بارات والے دن بھی سیلفی لینا نہ بھولے، بوم بوم نے بھی بیسٹ فرینڈ کا ساتھ نہ چھوڑا اور سیلفی لے ڈالی۔
باراتیوں میں شامل بوم بوم شاہد آفریدی نے سیاہ شیروانی پہن رکھی تھی،نئی اننگز کا آغازکرنے پربوم بوم نے ٹوئٹر پر دلہے میاں کو اصل پویلین میں خوش آمدید کہا۔
Selfie boy welcome to real pavilion !!@iamAhmadshahzad pic.twitter.com/SuFllyU8fp
— Shahid Afridi (@SAfridiOfficial) September 19, 2015
احمد شہزاد کی دلہنیاں سرخ عروسی جوڑا پہن کر سلہیوں کے ساتھ ہوٹل پہنچیں، جہاں قومی ٹیم کے بیڈ بوائے نے ثنا مراد کے ساتھ نئی اننگز کا آغاز کیا اور دلہنیا لے کر رخصت ہوگئے۔
دس بجتے ہی ہوٹل انتظامیہ نے ہال کی لائٹیں بند کر دیں، جس کے بعد موبائل فونز کی روشنی میں دلہن کی رخصتی کی گئی، تقریب کے شرکاء نے دولہا دلہن کو مبارکباد دیتے ہوئے جوڑے کیلئے نیک تمناؤں کا اظہار کیا۔
