نیو یارک: بروکلین گو نواز گو کے نعروں سے گونج اٹھا اور اس نعرے کی وجہ وزیر خزانہ اسحٰق ڈار بنے، جو خیر سے نواز شریف کے سمدھی بھی ہیں۔
امریکہ کے شہر بروکلین کی مسجد میں وزیر خزانہ اسحٰق ڈار کی آمد پر چند پاکستانی انہیں دیکھ کر مشتعل ہو گئے اور گو نواز گو کے نعرے لگا ڈالے۔
وزیر خزانہ نماز پڑھنے مسجد گئے تھے لیکن خدا کے گھر میں اتنی بے عزتی ہوئی کہ نماز پڑھے بغیر ہی واپس چلے گئے۔
- Advertisement -
امریکی پولیس نے موقع نازک دیکھا تو اسحاق ڈار کومشتعل افراد کے چنگل سے نکال کر لے گئی ۔
حکومت کی مقبولیت کے دعوے اپنی جگہ لیکن دیار غیر میں ایسی رسوائی کا اسحٰق ڈار نےشائد سوچا بھی نہ ہوگا، اب نواز شریف اپنے سمدھی کی پزیرائی پر اس کے سوا کیا کہ سکتےہیں کہ اپنے ہی گراتے ہیں نشیمن پہ بجلیاں۔
