بیروت: لبنان میں حزب اللہ کےسربراہ سید حسن نصراللہ کہتے ہیں کہ شام میں روس کی مداخلت اچھا اقدام ہے۔
لبنان کے ایک نجی ٹی وی کو انٹرویو دیتے ہوئےان کاکہناتھا کہ روس نے شام میں جدید ہتھیاروں، جنگی جہازوں اور ہیلی کاپٹروں کے ساتھ جس کاروائی کا آغازکیا ہے اس کا خیر مقدم کرتے ہیں۔
انہوں نے یہ بھی کہا کہ مشرق وسطیٰ میں داعش کی شکست نے امریکہ اوردوسری عالمی طاقتوں کو یہ سوچنے پر مجبور کر دیا ہے کہ شام میں امن قائم کرنے کیلئے روس کی مداخلت کا خیر مقدم کیا جائے۔
واضح رہے کہ شدت پسند تنظیم داعش شام اور عراق کے بیشترعلاقوں میں قابض ہے اورعراق میں فوج کے ساتھ حسن نصر اللہ کی حمایت یافتہ شیعہ ملیشیا بھی داعش کے خلاف برسرِ پیکار ہے اور امریکہ جانب سے بھئی داعش کے ٹھکانوں پرفضائی حملے جاری ہیں۔
شام میں قائم بشارالاسد کی حکومت امریکہ کا تعاون حاصل کرنے میں ناکام رہی جس کے بعد روس نے شامی تنازعے میں مداخلت کی ہے۔
اقوام متحدہ کے مطابق مارچ 2011 سے جنوری 2015 تک شام میں جاری جنگ میں ہلاک شدگان کی تعداد 220،000 تھی۔
