میلسی میں زہریلا دودھ پینے والے چار میں سے تین بہن بھائی چل بسے۔
میلسی میں منگل کے روز نور پور کےعلاقے کی رہائشی صغراں بی بی کے چار بچوں کی کھانا کھانے کے بعد حالت اچانک غیر ہوگئی تھی، بچوں کو تشویش ناک حالت میں اسپتال منتقل کیا جا رہا تھا کہ دس سالہ زاہد راستے میں ہی دم توڑ گیا جبکہ دوران علاج آٹھ سالہ حمیرا اور سولہ سالہ مجاہد بھی زندگی کی بازی ہار گئے۔
بتایا جاتا ہے کہ چاروں بہن بھائیوں کی حالت کھانا کھانے اور دودھ پینے کے بعد اچانک خراب ہوگئی تھی، پولیس کا ابتدائی تفتیش میں کہنا ہے کہ بچوں کی موت دودھ پینے سے واقع ہوئی، جس میں ممکنہ طور پر کوئی زہریلی چیز ملی ہوئی تھی۔
