دبئی :پاکستان اور انگلینڈکےدرمیان کل سے یو اے ای میں سیریز کا آغاز ہوگا، ابو ظہبی میں پہلے ٹیسٹ کے لئے دونوں ٹیموں نے کمر کس لی ہے.
ٹیسٹ سیریز کی ٹرافی کی رونمائی بھی کردی گئی، قومی ٹیم عرب کے صحراؤں کی سخت گرمی سے ہم آہنگ ہونے کی کوششوں میں مصروف رہی، مہمان ٹیم کو قابو کرنے کیلئے خامیاں بھی دور کی جارہی ہے، احمد شہزاد کی خراب فارم تشویش کاباعث ہے.
کولمبو ٹیسٹ کے سائیڈ ہیرو شان مسعود کے ساتھ پروفیسرسے اوپنگ کرائے جانے کا امکان ہے، ٹیم منیجر انتخاب عالم نے اظہر علی کے پاؤں میں انفیکشن کی تصدیق کردی، انکا کہنا تھا کہ پہلا ٹیسٹ نہیں کھیلیں گے۔
نائب کپتان کی انجری سے شعیب ملک کو نئی لائف لائن دی جائے گی، انگلینڈ سلیکشن کمیٹی بھی اوپنگ اور وکٹ کیپنگ کے مسائل سے دوچار ہے، ایلسٹرکک کے ساتھ معین علی یا ایلکس ہیلز کو میدان میں اتارا جائے گا۔
