کراچی : اینٹی نارکوٹکس فورس نےکراچی میں کارروائی کر کےمنشیات اسمگلنگ کی کوشش ناکام بنادی اوریرغمال بنائے گئے تیرہ غیر ملکیوں کو بازیاب کرا لیا۔
ترجمان اینٹی نارکوٹیکس کےمطابق فورس نے خفیہ اطلاع پر ملیرکےگوٹھ محمد میں چھاپہ مارا۔ کارروائی کے دوران ایک کلو ہیروئن اور بیس کلو حشیش برآمد کرلی گئی ۔
حکام کے مطابق زرِضمانت کےطور پر یرغمال بنائےگئےغیر ملکیوں کوبھی بازیاب کرایا گیا۔ بازیاب تیرہ غیر ملکیوں کو منشیات کے عالمی اسمگلر سلیم بلوچ نے منشیات کے زر ضمانت کے طور پر رکھا ہوا تھا۔
بازیاب کرائے گئے 8افراد کا تعلق تنزانیہ سے اور پانچ کا تعلق نائجیریا سے ہے۔ اسمگلر سلیم بلوچ مفرور ہے جس کیخلاف مقدمہ درج کرکے بلوچستان حکومت کو اطلاع دیدی گئی ہے۔
اے این ایف حکام کے مطابق منشیات فروش سلیم بلوچ منشیات کی آدھی قیمت کی رقم ایڈوانس میں وصول کر تا تھا، باقی رقم کی وصولی تک امانتا ایک شخص کو اپنے پاس رکھتا تھا۔
