آپاکپتن : حضرت بابا فرید گنج شکر کےسات سو تہترویں عرس کی تقریبات جاری ہیں، زائرین کے لیے کھولے گئے بہشتی دروازے کا آج دوسرا روز ہے جو دس محرم تک کھلا رہے گا۔
پاکپتن میں عظیم صوفی بزرگ حضرت بابا فرید گنج شکر کے عرس کی تقریبات جاری ہیں دربار کے سجادہ نشین دیوان مودود مسعود چشتی نے نماز عشاء کے بعد بہشتی دروازہ کھولا، جس کے بعد زائرین میں قلاوے بھی تقسیم کئے۔
اندرون وبیرون ملک سے آئے ہوئے ہزاروں زائرین بہشتی دروازے سے گزرنے کی سعادت حاصل کریں گے۔
عرس کے موقع پر محفل سماع کا خصوصی اہتمام کیا گیا ہے، بہشتی دروازہ دس محرم تک کھلا رہے گا، زائرین کی حفاظت کے لیے ضلعی انتظامیہ نے سیکورٹی کے سخت انتظامات کئے ہیں، واک تھرو گیٹ اور سی سی ٹی وی کیمرے بھی نصب کئے گئے ہیں.
