اسلام آباد: بہتر مستقبل کی تلاش میں بیرون ِ ملک جانے والے پاکستانیوں کو ان کے حقوق سے آگاہی فراہم کرنے کے لئے وزارتِ اوورسیزاورحکومتِ پنجاب نے اسلام آباد اور لاہور میں تربیتی مراکز قائم کرنے کا فیصلہ کیا ہے۔
تربیتی سنٹر کے قیام کا مقصد یہ ہے کہ بیرونِ ملک جاکرکام کرنے والے تارکینِ وطن کو ان کے حقوق سے متعلق آگاہی فراہم کریں گے اورانہیں مائیگریشن کے طریقہ کاراورعائلی قوانین سے متعلق معلومات فراہم کرے گا۔
تارکین وطن کو بہترسہولیات فراہم کرنے کے لئے اسٹاف کی تین روزہ تربیت کا اہتمام کیا گیا ہے جوکہ 28 سے 30نومبرتک جاری رہے گی۔
اس منصوبے میں وزارتِ اوورسیز اور حکومت پنجاب کو ساوتھ ایشیا لیبر مائیگریشن گورننس اور سلک روٹ پارٹنرشپ فار مائگریشن کا تعاون حاصل ہے۔
اسلام آباد اور لاہور میں قائم کئے جانے والے یہ تربیتی مراکز اپنی نوعیت کے پہلے تربیتی مراکز ہیں۔
اس موقع پر منعقد ہونے والی تقریب کے افتتاحی اجلاس سے خطاب کرتے ہوئے سیکرٹری برائے وزارتِ اوور سیز خضر حیات خان کا کہنا تھا کہ ہر سال بہتر مستقبل کی تلاش میں ہزاروں پاکستانی ملک سے باہر جاتے ہیں اورہماری معیشت میں ان کا اہم کردار ہے جسے ہم نظرانداز نہیں کرسکتے۔
