موغادیشو : صومالیہ کے ایک ہوٹل میں خودکش حملے کے نتیجے میں پندرہ افراد ہلاک ہوگئے، شدت پسند تنظیم الشباب نے ذمہ داری قبول کرلی۔
صومالیہ کے شہر موغادیشو کے ایک ہوٹل میں مسلح افراد نے دھاوا بول دیا اور اندھا دھند فائرنگ کردی، اسی دوران خودکش حملہ آور نے بارود سے بھری گاڑی ہوٹل سے ٹکرادی۔
سیکیورٹی فورسز نے موقعے پر پہنچ کر حملہ آوروں کو شدید فائرنگ کے تبادلے میں ہلاک کردیا، حملے کے وقت حکومتی اراکین اور فوجی افسران ہوٹل میں موجود تھے۔
واقعے کی ذمہ داری شدت پسند گروپ الشباب نے قبول کرلی ہے.
