نیویارک : اقوام متحدہ نے رکن ممالک کو داعش کے خلاف سخت کاروائی کی اجازت دے دی، سلامتی کونسل کے پندرہ ارکان نے داعش کی دہشت گردی سے مقابلہ کرنے کی قرار داد منظور کرلی اور داعش کو دنیا کے لیے خطرہ قرار دے دیا.
پیرس حملوں پر اقوام متحدہ کے سیکیورٹی کونسل اجلاس طلب کیا گیا، اجلاس میں فرانس کی جانب سے تجویز کردہ قرار داد پیش کی گئی، جسے کونسل کے پندرہ ارکان نے اتفاق رائے سے منظور کرلیا۔
اجلاس میں پیرس حملوں، مصر میں روسی طیارے کی تباہی ، تیونس، ترکی اور لبنان میں دہشتگردانہ حملوں کی مزمت کی گئی۔
قرارداد کے تحت شام اور عراق میں داعش کے خلاف جنگ میں تمام وسائل بروئے کار لائے جائیں گے جبکہ داعش کے علاوہ دیگر گروپوں کے خلاف بھی بھرپور کارروائی کی جائے۔
Comments
- Advertisement -
