کوالا لمپور : امریکی صدر براک اوباما نے کہا ہے کہ دہشت گردی میں مسلمان نہیں بلکہ ایک چھوٹا گروہ ملوث ہے۔ داعش کوتباہ کرنا ہمارا حقیقی مقصد ہے۔ داعش کوسربراہ کوڈھونڈ نکالیں گے۔
ان خیالات کا اظہار انہوں نے کوالاالمپور میں ایشیا پیسیفک سربراہ کانفرنس کے دوران میڈیا سے گفتگو کرتے ہوئے کیا۔
امریکی صدر کا کہنا تھا کہ ترکی سمیت داعش کےخلاف کارروائی میں 24ممالک حصہ لےرہےہیں، ہم بالآخرداعش کوتباہ کردیں گے،دنیاکوریسٹورینٹس،تھیٹرزپرحملوں کامعمول قبول نہیں،۔
انہوں نے کہا کہ امریکہ کی کسی مذہب سے جنگ نہیں، داعش کے خلاف عالمی برادری کو متحد ہوکر کارروائی کرنا ہوگی خوشی کی بات ہے کہ امریکی فوج دہشت گردی سے نمٹنے کیلئے پوری طرح تیار ہے مٹھی بھر دہشت گرد دنیا کو یرغمال نہیں بناسکتے۔
انہوں نے کہا کہ روس کی داعش کےخلاف براہ راست جنگ زیادہ مددگارہوگی، بظاہرروس کےابتدائی حملوں سےشام میں داعش کومددملی،امریکی صدر کا کہنا تھا کہ داعش کیخلاف ہماراسب سے بڑا ہتھیارہماری دلیری ہے۔
انہوں نے کہا کہ صدر بشار الاسد کے مخالفین کی مدد کرکے جنگ ختم نہیں کراسکتے بشارالاسد کو اقتدار چھوڑنا ہوگا،شام میں نئی سیاسی حکومت کی ضرورت ہے۔دہشت گردوں کا نیٹ ورک توڑنے کیلئے صلاحیت موجود ہے۔
