واشنگٹن: امریکہ نے داعش پر دباؤ بڑھانے کے لئے عراق میں خصوصی فوجی دستے تعینات کرنے کا اعلان کیا ہے۔
اس فیصلے کا اعلان امریکہ کے وزیر دفاع ایشٹن کارٹر نےکانگریس کی آرمڈ سروسز کمیٹی کے سامنے بیان دیتے ہوئے کیا۔
ان کا کہنا تھا عراقی حکومت کے مکمل تعاون کے ساتھ عراقی اور کرد ملیشیا کی مدد کے لیے امریکہ کے خصوصی دستے تعینات کیے جا رہے ہیں۔
وزیردفاع نے کانگریس کی آرمڈ سروسزّ کمیٹی کو بتایا کہ امریکہ کے خصوصی دستے دولت اسلامیہ کے رہنماؤں کوگرفتار کرنے اور مغویوں کو رہا کرانے کے لیے آزادانہ کارروائیاں کرسکیں گے۔
واضح رہے کہ اس سے قبل امریکی قیادت میں اتحادی ممالک کے جنگی جہازعراق میں داعش کے ٹھکانوں پر فضائی حملے کررہے ہیں تاہم ان میں کوئی قابلِ ذکر کامیابی نہیں مل سکی ہے۔
دوسری جانب روش نے بھی داعش کے خلاف شام میں کاروئیاں شروع کررکھی ہیں اور فرانس نے بھی پیرس حملوں کے بعد داعش کے خلاف فضائی حملے کئے ہیں۔
