اسلام آباد: پاکستان ٹیلی کمیونیکیشن اتھارٹی کی ہدایات کے مطابق وائرلیس لوکل لوپ آپریٹروں نے رواں ماہ سے ڈبلیو ایل ایل کنکشنز ، بائیو میٹرک ویری فیکیشن سسٹم کے ذریعے جاری کرنا شروع کر دئیے ہیں۔
پی ٹی اے کے مطابق منصوبے کے پہلے مرحلے میں ڈبلیو ایل ایل آپریٹروں نے گزشتہ ماہ تمام کسٹمر سروس سنٹرز میں بی وی ایس نصب کردیے پہلے مرحلے کی کامیابی سے تکمیل کے بعدوی فون، ای وی او، ونگل ، وائرلیس ڈونگلز کی ڈیوائسزبائیو میٹرک تصدیق کے ذریعہ جاری کیے جائیں گے ۔
اب تک چار آپریٹروں، پی ٹی سی ایل، وائی ٹرائب، کیوبی اور وطین نے اپنے کسٹمر سروس سنٹرز پر بی وی ایس نصب کر لیا ہے۔
بی وی ایس نصب کرنے کے حوالے پی ٹی اے کی ٹیمیں ملک بھر میں سختی سے نگرانی کر رہی ہیں منصوبے کے دوسرے مرحلہ میں تمام وائر لیس کنکشن کے فرنچائز اور ریٹیلر پر 31دسمبرتک بی وی ایس نصب ہوجائے گا۔
جبکہ تیسرے اور آخری مرحلہ میں 29فروری2016 تک ڈبلیو ایل ایل کے موجودہ کنکشنز کو بھی بی وی ایس نظام کے ذریعے تصدیق کیا جائے گا۔
