خیبر ایجنسی: وادی تیراہ میں جیٹ طیاروں کی بمباری سے 8 دہشت گرد مارے گئے.
سیکیورٹی ذرائع کے مطابق دہشت گردوں کی موجودگی کی مصدقہ اطلاع پر پاک فضائیہ کے جیٹ طیاروں نے خیبر ایجنسی کی وادی تیراہ میں بمباری کی جس کے نتیجے میں8 دہشت گرد ہلاک ہوگئے، حملوں میں کئی عسکریت پسند بھی زخمی ہوئے.
سیکیورٹی ذرائع کے مطابق جیٹ طیاروں نے نکئی سپاہ، تورڈارا کوکیخیل اور تراخاص کے علاقوں کو نشانہ بنایا جبکہ نکئی میں ایک اسلحہ ڈپو بھی تباہ کردیا گیا۔
ذرائع نے بتایا کہ ہلاک ہونے والے عسکریت پسندوں کا تعلق کالعدم لشکر اسلام اور تحریک طالبان پاکستان سے ہے۔
