پشاور : سانحہ پشاور کی یاد میں آرمی پبلک اسکول میں شہدا وں کو خراج تحسین پیش کرنے کیلئے مرکزی تقریب جاری ہے، تقریب میں وزیرِاعظم ،آرمی چیف سمیت اعلِی عسکری اور سول قیادت شریک ہیں.
سانحہ اے پی سی کی مرکزی تقریب آرمی پبلک اسکول پشاور میں منعقد کی گئی ، تقریب کا آغاز تلاوت کلام پاک سے ہوا، اس سے قبل سانحہ اے پی ایس پشاور کے شہدا کے اہل خانہ اور دیگر لواحقین اپنے پیاروں کی تصاویر اٹھائے تقریب شریک ہوئے تو ہر آنکھ آشک بار ہوگئی۔
وزیراعظم ،آرمی چیف اور ان کی اہلیہ نے شہداء کے لواحقین کا استقبال کیا، تقریب میں تحریک انصاف کے سربراہ عمران خان ،امیر جماعت اسلامی سراج الحق ،اے این پی کے رہنما غلام بلورسمیت دیگر سیاسی و مذہبی جماعتوں کے رہنما شریک ہیں۔
تقریب میں وزیرخزانہ اسحاق ڈار ،وزیر داخلہ چوہدری نثار علی خان،وزیر دفاع خواجہ آصف ،وزیراعلیٰ پنجاب شہباز شریف ،وزیراعلیٰ بلوچستان ڈاکٹر عبدالمالک ،گورنر خیبر پختونخوا سردار مہتاب ،وزیراعلیٰ پرویز خٹک اور وزیراعلیٰ سندھ سید قائم علی شاہ بھی شریک ہیں۔
تقریب میں بچوں نے شہیدوں کی یاد مِیں گیت گائے، جنرل راشد محمود شہید اسٹاف کے لواحقین میں میڈلز، طلباء کو اسناد تقسیم کررہے ہیں۔
