پھالیہ: مانو چک کے قریب دو بسوں میں تصادم سے دو طلباء سمیت تین افراد جاں بحق ہوگئے جبکہ انتیس افراد زخمی ہوگئے ۔
تفصیلات کے مطابق پھالیہ کے نجی کالج کی بس صبح سویرے گرد و نواح کے دیہات سے طلباء وطالبات کو لے کر کالج جا رہی تھی کہ مانو چک شوگر ملز روڈ پر دھند کے باعث مخالف سمت سے آنے مسافر بس سے ٹکرا گئی جس کے نتیجہ میں کالج بس کا ڈرائیور موقع پر جاں بحق ہوگیا جبکہ سولہ طلباء و طالبات سمیت پندرہ مسافر زخمی ہوگئے۔
جنہیں فوری طور پر تحصیل ہیڈ کوارٹر اسپتال پھالیہ پہنچایا گیا، زخمیوں میں سے نو کی حالت تشویشناک ہونے پر گجرات اور لاہور کے اسپتالوں میں ریفر کر دیا گیا ہے، جس کی وجہ سے ہلاکتوں میں اضافے کا خدشہ ہے۔
