کراچی: شہرِقائد کے علاقے گارڈن میں واقع فلیٹ سے میاں بیوی کی لاشیں ملی ہیں، پولیس نے شبہ ظاہر کیاہے کہ نوبیاہتاجوڑے کو زہردے کر ہلاک کیا گیا ہے۔
تفصیلات کے مطابق صبا اورعامر نامی مقتولین نے چند ماہ قبل پسند کی شادی کی تھی اوریہ جوڑا فلیٹ میں تنہا ہی رہتاتھا۔
پولیس کا کہنا ہے کہ دونوں کی موت کی کئی وجوہات ہوسکتی ہیں، مقتولین کے چہرے اورگلے پرنشانات موجود ہیں۔
- Advertisement -
پولیس کے مطابق صبا کے گھروالے جب اس سے ملنے فلیٹ پرپہنچے توانہیں میاں بیوی کی موت کا پتاچلا، حیرت انگیزطور پراس لرزہ خیز واردات پرمقتولین کے ورثاء بھی بات کرنے سے گریزاں ہیں۔
پوسٹ مارٹم رپورٹ کے مطابق صبا کی موت گلا گھوٹنے کے سبب ہوئی تاہم عامرکی موت کی وجہ کا تاحال تعین نہیں ہوسکا ہے۔
