کراچی: پی آئی اےجوائنٹ ایکشن کمیٹی نےآج پھردفاترکی تالابندی کااعلان کردیا۔ترجمان پی آئی اے کاکہنا ہے کہ تمام دفاتر آج سے کھل جائیں گے۔
قومی ائیرلائن کی نجکاری کے معاملےپر پی آئی اے ملازمین کااحتجاج جاری ہے،پی آئی اےجوائنٹ ایکشن کمیٹی کاکہناہے کہ پی آئی اےکےتمام دفاترمیں آج مکمل تالہ بندی ہوگی۔کسی بھی افسرکودفاترمیں داخل نہیں ہونےدینگے۔
دوسری جانب ملازمین کی یونین ایئرلیگ نے احتجاج سے لاتعلقی اختیارکرلی ہے،ادھرپاکستان انٹرنیشنل ایئرلائن کے ترجمان کا کہناہےکہ پی آئی اے کےتمام دفاتر کل سے کھل جائیں گے،ملازمین کل سےدفاتر میں حاضری یقینی بنائیں۔
ترجمان پی آئی اے کا کہنا ہے کہ ملازمین کا تحفظ یقینی بنایاجائے گا،تمام اقدامات کے بعد ملازمین کی ہڑتال کاکوئی جوازنہیں، ایوی ایشن ڈیویژن نے لازمی سروسزایکٹ کےتحت کارروائی پر غور شروع کردیاہے۔
