لاہور: آل راونڈرمحمد حفیظ کو پاکستان سپر لیگ میں بھی بولنگ کرانے کی اجازت نہیں ہوگی۔
تفصیلات کے مطابق پاکستان کرکٹ ٹیم کے آل راونڈر محمد حفیظ پر ٖغیر قانونی بولنگ ایکشن کے سبب پابندی عائد ہے۔ آئی سی سی قوانین کے مطابق پابندی کا شکار بولر ڈومیسٹک ایونٹ میں بولنگ کراسکتا ہے، لیکن اب محمد حفیظ پاکستان سپر لیگ میں بھی بولنگ نہیں کراسکیں گے۔
پی ایس ایل انتظامیہ کے مطابق ایونٹ آئی سی سی قوانین کے مطابق کھیلا جائے گا اس لئے محمد حفیظ کو بولنگ کی اجازت نہیں ہوگی۔
- Advertisement -
پی ایس ایل میں پشاور زلمی کے نمائندگی کرنے والے محمد حفیظ بطور بیٹسمین ٹیم کے ساتھ ہوں گے۔ ان کا بولنگ ایکشن قائد اعظم ٹرافی کے فائنل میچ میں دوبارہ رپورٹ ہواتھا۔
پشاورزلمی کے کوچ محمد اکرم کا کہنا ہے کہ محمد حفیظ تجربہ کار بیٹسمین ہیں وہ بولنگ کے بغیر بھی ٹیم کے اہم رکن ہیں۔
