کراچی : پاکستان سپر لیگ میں جلوے بکھیرنےکےبعدپاکستانی کھلاڑی اب ایشیاکپ میں جلوہ دکھائیں گے۔ ایونٹ میں شرکت کےلئےپاکستانی کھلاڑی بوم بوم کی قیادت میں دبئی سے ڈھاکہ پہنچ گئے۔
پاکستان سپر لیگ میں جلوے بکھیرنے کے بعد پاکستانی کھلاڑی اب ایشیا کپ میں ایکشن میں ہوں گے، قومی کرکٹرز نے اہم ٹورنامنٹ کیلئے ڈھاکہ میں انٹری دے دی ہے، ٹیم کی قیادت شاہد آفریدی کریں گے۔
کھلاڑی آج آرام کے بعد کل سے ایشیا کپ ٹی ٹوئنٹی کی تیاریوں کا آغاز کریں گے، ایونٹ کا سب سے بڑا معرکہ پاک بھارت میچ ستائیس فروری کو شیر بنگلہ اسٹیڈیم میں ہوگا۔
پاکستان سپر لیگ میں عمدہ کارکردگی کے سبب اوپننگ بیٹسمین شرجیل خان اور فاسٹ بولر محمد سمیع کو ایشیا کپ کے لئے ٹیم میں شامل کرلیا گیا ہے، بابر اعظم اور رومان رئیس ان فٹ ہونے کے سبب اسکواڈ سے باہر ہوگئے ہیں۔
ایونٹ میں قومی ٹیم دوسرا میچ انتیس فروری کو متحدہ عرب امارات، دو مارچ کو بنگلہ دیش اور چار مارچ کو سری لنکا کے خلاف کھیلے گی۔
